Permiss da manischar en il format da carta da credit
 
Tgi che ha acquistà il permiss da manischar d'ina tscherta categoria, è er autorisà da manar vehichels d'autras categorias.

Infurmaziuns:
(1) Questas autorisaziuns valan mo, sche la manischunza u il manischunz posseda il permiss da manischar per il camiun.
(3) La sutcategoria D1 e la permissiun per il transport professiunal da persunas vegnan concedidas mo, sche las premissas respectivas èn ademplidas. Cas cuntrari dastgan vegnir manads mo vehichels vids da la categoria D1 en il traffic svizzer.
(7) Autorisaziun da manar schlieusas a motor
(8) Autorisescha er da manar vehichels da pumpiers motorisads cun in pais total da passa 7500 kg ed independentamain dal dumber da posts, sche la manischunza u il manischunz ha fatg l'examen cun in vehichel da pumpiers motorisà cun in pais da servetsch da passa 7500 kg u cun in camiun d'autoscola da la categoria C.

Autorisaziuns supplementaras per il traffic svizzer:
(2) Autorisaziun da manar vehichels cun passa 8 posts per equipas da polizia, vehichels vids da la categoria D e da la sutcategoria D1 sco er trolleybus vids
(4) Autorisaziun da manar trolleybus vids
(5) Autorisaziun da transportar chars annexs da l'agricultura, dals pumpiers, da la polizia e da la protecziun civila
(6) Autorisaziun da transportar chars annexs vi da vehichels da questas categorias spezialas

Restricziuns en il permiss da manischar
Ina restricziun vegn inscritta en il permiss da manischar, sch'il vehichel d'examen na correspunda – en tscherts reguards – betg a las pretensiuns.

Per exempel:

• Sche la manischunza u il manischunz fa l'examen pratic cun vehichels a motor che disponan d'ina facilitaziun da midar transmissiun u d'ina tracziun electrica a battarias, dastga ella u el manar pli tard mo tals vehichels.
• Sche la motociclista u il motociclist fa l'examen pratic da la categoria A1 cun ina moto, da la quala la sveltezza e limitada a 45 km/h, dastga ella u el manar pli tard mo talas motos.
  
  

Talas restricziuns vegnan abolidas, sche la manischunza u il manischunz mussa – en in nov examen – ch'ella u el ademplescha cumplainamain las premissas per manar ils vehichels da la categoria correspundenta.