Cun las contribuziuns a la meglieraziun da las relaziuns d'abitar en il territori da muntogna ha la populaziun en il territori rural la pussaivladad da meglierar sia situaziun d'abitar. Quest sustegn po vegnir dumandà da famiglias e da persunas en relaziuns finanzialas modestas. En emprima prioritad vegnan sustegnids sanaziuns u edifizis cumpensatorics. Edifizis novs ed immobiglias che vegnan cumpradas han medemamain il dretg da survegnir contribuziuns. La tariffa da contribuziun dependa da la mesira da construcziun previsa.

Sut il titel da la sanaziun d'abitaziuns (construcziun d'abitaziuns socialas) elavurain nus circa 35 dumondas da contribuziun per onn. Nus controllain ch'ils projects da construcziun hajan soluziuns architectonicas simplas ed adequatas ed inoltrain a la regenza ed a la vischnanca da domicil cumpetenta la dumonda da conceder contribuziuns.