Aua avain nus en nossas regiuns en abundanza. Perquai spetgain nus adina aua netta da baiver che satisfa a tut las pretensiuns e ch'è disponibla da tut temp. Percunter n'han passa ina milliarda dals umans betg access ad aua netta da baiver ed in terz dals umans n'ha gnanc aua avunda per lavar. Aua è uschia ina chaussa luxuriusa, a la quala ina part considerabla da l'umanitad ha access mo en moda limitada. Sut quest aspect vali da proteger las resursas da l'aua existenta tar nus e da la trair a niz plain responsabladad.

En il USVA vegnan examinadas emprovas d'aua da differenta derivanza. Ins po differenziar tranter:

• aua da baiver (incl. aua minerala)
• aua sutterrana
• aua persa
• aua da deponias
• aua da bogn