Nossa incumbensa e nossa identitad
- Nus realisain las finamiras ed ils princips da la planisaziun dal territori francads en la lescha e collavurain en quest connex cun las vischnancas, cun las regiuns, cun la confederaziun e cun ils vischins.
- Nus preparain e realisain la politica da planisaziun dal territori da la regenza.
- Nus accumpagnain ed examinain las planisaziuns localas e regiunalas e preparain ils conclus d'approvaziun.
- Nus accumpagnain ed examinain las dumondas EOZ e prendain las decisiuns necessarias.
- Nus considerain ils interess en moda cumplessiva, objectiva e transparenta.
- Nus observain ed analisain il svilup dal territori; nus elavurain ils documents da planisaziun.
Nossas valurs
- Nus ans engaschain per in svilup persistent dal spazi da viver sco er dal territori da cultura, d'economia e da la natira.
- Nus ans mettain en il servetsch da la societad, da l'economia e da l'ambient.
- Nus optimain l'utilisaziun, la protecziun ed il svilup da las resursas, spezialmain dal bain "terren".
- Nus tschertgain sinergias per prender resguard sin las resursas e sin ils meds.
Nossa moda da lavurar
- Nus lavurain en moda orientada al success ed a l'effect sco er en mioda cumpetenta e professiunala.
- En il rom da la politica da planisaziun dal territori ed en il process da l'accordanza territoriala ans vesain nus sco instituziun che moderescha e che dat impuls.
- Nus tschertgain soluziuns en enclegientscha e promovain svilups cun vistas per il futur.
- Nus essan spezialistas e spezialists, sch'i sa tracta d'elavurar projects cumplexs interdisciplinars.
- Sco post da servetsch liquidain nus las fatschentas a temp.
- Nus essan il post da coordinaziun per ils interess da la planisaziun dal territori.
Nossa cumpetenza professiunala
- Nus considerain ils interess sco basa per la procedura politica da decisiun.
- Nus observain il princip da la proporziunalitad ed ans limitain a quai ch'è necessari e cunvegnent per ademplir nossa incumbensas.
- Nus ans engaschain activamain per superar conflicts en moda prospectiva.
- Nus porschain a tut las persunas pertutgadas la pussaivladad da cooperar.
- Nus dain adatg da tractar tuts en moda eguala, sche las premissas èn las medemas.
Nossa infurmaziun
- Nus communitgain a temp, en moda averta e clera.
- Nossas infurmaziuns s'orienteschan als basegns da la clientella e sa drizzan tenor ils basegns da la publicitad.
Cuira, 31. October 2005
L'uffizi per il svilup dal territori GR