Cordial bainvegni sin la pagina d'internet dal DES 

Charas visitadras, chars visitaders

Sin questa pagina d'internet vegnis Vus a savair dapli davart il departament d'economia publica e fatgs socials (DES). Grazia da Voss interess per nossa lavur.

Nus ademplin incumbensas en ils secturs: economia, turissem, industria, mastergn, lavur, geoinfurmaziun, register funsil, register da commerzi, agid social, assicuranza sociala, victualias, sanadad d'animals, agricultura, furmaziun e cussegliaziun agricula.

La finamira centrala è quella da stgaffir cundiziuns generalas uschè bunas sco pussaivel per ch'il chantun Grischun possia sa sviluppar cun success sco plazza economica e per ch'i dettia ina purschida adequata da plazzas da lavur en il chantun. Ultra da quai mettain nus a disposiziun in agid considerabel per schliar problems socials e per chattar in equiliber social, e quai cun sustegnair directamain singulas persunas, singulas famiglias e singulas gruppas sco er la communitad.

Nossas collavuraturas e noss collavuraturs As stattan gugent a disposiziun per dumondas e per infurmaziuns, e quai per telefon u per e-mail.

Hansjörg Trachsel, president da la regenza

Schef dal departament d'economia publica e fatgs socials