Protecziun da l'uffant
La protecziun d'uffants e da giuvenils periclitads u maltractads stat en il center dal post spezialisà per la protecziun da l'uffant dal Grischun. En cas ch'i vegn suspectà in maltractament u in'explotaziun sexuala, sclerescha il team las circumstanzas e prenda – ensemen cun auters posts spezialisads e cun autras instituziuns – las mesiras ch'èn mintgamai adattadas. La protecziun da l'uffant gida uffants e giuvenils ch'èn vegnids maltractads ed als protegia en cas ch'els èn periclitads. La finamira è quella da cuntanscher ina meglieraziun durabla da la situaziun da las persunas pertutgadas.