Il chantun Grischun promova l'integraziun professiunala e sociala da persunas cun impediments. L'uffizi dal servetsch social chantunal dal Grischun ademplescha las suandantas incumbensas:
Promoziun e coordinaziun
I vegnan promovidas e coordinadas purschidas ambulantas e staziunaras per l'integraziun professiunala da persunas creschidas cun impediments.
Cussegliaziun
I vegnan purschidas prestaziuns da cussegliaziun a las instituziuns responsablas, e quai areguard l'organisaziun ed areguard la gestiun d'instituziuns per persunas cun impediments sco er areguard autras purschidas.
Permissiun e renconuschientscha
Las purschidas ambulantas e staziunaras pon vegnir permessas e renconuschidas dal chantun.
Surveglianza
La gestiun ed il manaschi d'instituziuns per persunas creschidas cun impediments vegnan survegliads.