Umans che sa chattan en ina situaziun finanziala d'urgenza transitoria u permanenta e che na pon – malgrà agens sforzs – betg superar quella u betg superar quella a temp han in dretg da survegnir agid finanzial. La premissa è però che la persuna pertutgada haja ses domicil en il chantun Grischun.

Las prestaziuns da l'agid social vegnan en mintga cas calculadas en moda individuala. Lur autezzaè dependenta da las relaziuns persunalas, dals custs da viver, da las relaziuns d'entrada, da la durada da las prestaziuns d'agid e.u.v.

La calculaziun succeda sin basa da las directivas chantunalas e da las recumandaziuns da las vischnancas sco er sin basa da las directivas da la conferenza svizra da l'agid social (COSAS).