Cun la finamira primara d'exequir la lescha davart l'agid a victimas (LAV) en moda unitara existan ina conferenza svizra dals uffizis da contact da la LAV (CSUC-LAV) e quatter conferenzas regiunalas (regio 1 – 4).
La CSUC-LAV appartegna a la conferenza da las directuras e dals directurs chantunals dals affars socials (CDAS) e sa cumpona – ultra da represchentantas e da represchentants da la CDAS, da l'uffizi federal da giustia (UFG) e da la conferenza da las directuras e dals directurs chantunals da giustia e polizia (CDCGP) – per gronda part da represchentantas e da represchentants da las conferenzas regiunalas. La CSUC-LAV ha elavurà recumandaziuns davart l'applicaziun da la LAV (2. ediziun repassada 2002).
Ensemen cun ils chantuns Glaruna, Schaffusa, Turgovia, Son Gagl, Appenzell dador, Appenzell dadens e Turitg appartegna il chantun Grischun a la conferenza regiunala 4 (regio 4).
La victima na po dentant far valair nagins dretgs envers l'autoritad cumpetenta resp. envers il post da cussegliaziun cumpetent che las singulas recumandaziuns resp. directivas vegnian realisadas en la pratica. Dal rest stoi vegnir resguardà che las directivas interchantunalas cuntegnan tschertas recumandaziuns antiquadas resp. che la giurisdicziun ha decidì tschertas dumondas en in auter senn.