L'uffizi chantunal dal servetsch social dal Grischun ha d'ademplir ina vasta incumbensa en il sectur da la cussegliaziun persunala e famigliara sco er da l'agid social economic. En quest connex en las collavuraturas ed ils collavuraturs en ils servetschs socials regiunals confruntads cun ils problems ils pli differents d'umans da mintga gruppa da vegliadetgna.

Ils servetschs socials spezialisads adempleschan lur incumbensas che sa refereschan a categorias spezialas da problems ed a gruppas da persunas en il sectur da l'agid a victimas, da la protecziun da l'uffant e dals problems da dependenza. Incumbensas en ils secturs famiglia, dumondas da persunas impedidas e da dependenza vegnan elavuradas en la direcziun da l'uffizi chantunal dal servetsch social dal Grischun.