Invit a la preschentaziun da purschidas per occurrenzas da la cussegliaziun professiunala per persunas d'instrucziun

Il center d'infurmaziun professiunala / CIP porscha da nov occurrenzas per persunas d'instrucziun per la cussegliaziun professiunala. Ina finamira è quella d'infurmar las persunas d'instrucziun davart tut ils aspects da la tscherna da professiun.
La gruppa en mira principala èn las persunas d'instrucziun che instrueschan il proxim onn da scola il rom orientaziun professiunala.
L'occurrenza è gratuita e la participaziun vegn confermada sin dumonda, per ch'ella possia vegnir renconuschida sco furmaziun supplementara.
Sco emprova da pilot vegn purschida in'occurrenza a Cuira. Ulteriuras occurrenzas vegnan resguardadas suenter in'evaluaziun.
Las finamiras èn tranter auter quellas:

• Las persunas d'instrucziun survegnan infurmaziuns davart il tema da la tscherna da professiun;
  
• Da discutar materialias per l'instrucziun;
• D'infurmar persunas d'instrucziun davart las purschidas da la cussegliaziun professiunala;
• In barat tranter las persunas d'instrucziun e las cussegliadras professiunalas ed ils cussegliaders professiunals.

Cura e nua ha lieu l'occurrenza? Mesemna, ils 22 da matg 2024, 14.00 – 17.00, Grabenstrasse 1, Cuira (data da spustament, sch'i fiss l'excursiun sin las aclas da Cuira: mesemna, ils 5 da zercladur 2024)
Termin d'annunzia: 19.04.2024