L'uffizi federal da furmaziun professiunala e da tecnologia (UFFT) ha declerà ils 17 da mars / 9 d'avrigl 2010 d'esser pront a sustegnair il project Case Management furmaziun professiunala dal Grischun.

Sco post da coordinaziun duai il Case Management furmaziun professiunala GR colliar ils differents acturs che porschan mesiras che servan a guidar giuvenils e persunas giuvnas creschidas ad in examen professiunal.

La finamira primara dal project è quella da pussibilitar ad uschè blers giuvenils ed ad uschè bleras persunas giuvnas creschidas sco pussaivel da terminar in'emprima scolaziun postobligatorica, e d'impedir resp. da reducir uschia la dischoccupaziun da giuvenils. La finamira è quella che almain 95% da tut las persunas da 25 onns dal Grischun possedan in examen postobligatoric fin l'onn 2015.