Cun il EFE vegni eruì, sche las emprendistas e sch'ils emprendists han cuntanschì las finamiras descrittas en las ordinaziuns da furmaziun (reglament professiunal). Sch'ellas e sch'els reusseschan il EFE survegnan ellas ed els – ultra da l'attestat da notas – l'attestat federal da qualificaziun per la professiun emprendida.


Infurmaziuns impurtantas:

• En il reglament da scolaziun e d'examen da Vossa professiun èn regladas:
• indicaziuns davart ils roms da l'examen
• indicaziuns davart la materia da l'examen 
• indicaziuns davart la durada da l'examen 
• A la scola professiunala spezialisada vegnan dadas notas d'attestat a la fin dal semester. Quellas quintan per part er per il EFE. Decisiv è il reglament da scolaziun.
• La persuna en il manaschi d'emprendissadi ch'è responsabla per Vossa scolaziun As sto annunziar per l'examen ed As sto metter a disposiziun il temp necessari per l'examen senza reducir il salari. Il material da l'examen, ils utensils e las taxas da l'examen vegnan surpigliads da Voss manaschi d'emprendissadi.