L'utilisaziun

Cundiziuns

La biblioteca chantunala è publica ed accessibla a tut las persunas che sa tegnan vi da l’urden da diever. Ulteriuras disposiziuns sa chattan en il reglament da chasa.

La carta da biblioteca dat il dretg d'emprestar medias. Persunas che utiliseschan la biblioteca per l’emprima giada pon er s’annunziar online en il catalog da las bibliotecas dal Grischun.


Emprest e termins
Ils termins d'emprest èn: per medias stampadas 4 emnas, per nonbooks 2 emnas.

Sch'i na dat nagina reservaziun, vegn il termin d'emprest prolungà automaticamain duas giadas per mintgamai 4 emnas resp. 2 emnas. Sch'i na dat anc adina betg ina reservaziun, po il termin d'emprest dal conto d'utilisaziun vegnir prolungà tras l'utilisadra sezza u tras l'utilisader sez anc trais ulteriuras giadas. Las prolungaziuns dal termin fixeschan mintgamai in nov termin d'emprest garantì. Suenter maximalmain tschintg prolungaziuns dal termin d'emprest sto il medium emprestà vegnir preschentà a la biblioteca chantunala dal Grischun. 

Excepziuns:
Documents ch'èn pli vegls che 100 onns, medias che na pon betg vegnir remplazzadas sco er ovras da consultaziun en il sectur a liber access ston vegnir consultads en la biblioteca.


Conto d'utilisaziun

En il conto d'utilisaziun persunal en il catalog d'uniun pudais Vus far sez las suandantas transacziuns:
prolungar las medias, midar l'adressa, midar il pled-clav.

Medias da la biblioteca chantunala ch'èn registradas en il catalog dad EED pon vegnir reservadas u empustadas directamain en il catalog d'uniun.


Currier da velo
Medias da la biblioteca chantunala ch'èn vegnidas empustadas en il catalog d'uniun, pudais Vus laschar furnir gratuitamain a la biblioteca dal center da furmaziun per la sanadad ed ils fatgs socials, da la scola auta da tecnica ed economia, da la scola auta da pedagogia u da la scola auta teologica. Là pudais Vus medemamain restituir Vossas medias da la biblioteca chantunala.

 


Consultaziun da stampas veglias e da raritads

Da stampas veglias e d'ovras d'ina valur speziala dastgan ins prender invista exclusivamain en la sala da lectura da l'archiv dal stadi e pia sut la surveglianza dal persunal responsabel. Las stampas veglias cumpiglian tut las ovras ch'èn vegnidas edidas avant l'onn 1800.
Las ovras ston vegnir empustadas en la biblioteca chantunala. L'utilisaziun percunter sa drizza tenor las uras d'avertura da l'archiv dal stadi:

glindesdi, mardi, gievgia                                             

09.00-11.45
13.00-16.45

mesemna

09.00-17.30

venderdi

09.00-16.45