Sch'ils documents na vegnan betg donnegiads e sche las cundiziuns d'utilisaziun permettan quai, dastgan las utilisadras ed ils utilisaders far sezs copias. Per duvrar las copias ston ins resguardar las disposiziuns dals dretgs d'autur. Las copias èn destinadas exclusivamain al diever persunal.
Er las bibliotecas dastgan far copias per lur utilisadras ed utilisaders. En connex cun copiar e spedir documents dad ovras vala il suandant:
- La biblioteca dastga copiar in document cumplet mo, sch'il temp da protecziun è scadì. En Svizra scada quel 70 onns suenter la mort da l'autura u da l'autur.
- Ina revista vala sco ovra, però betg il singul artitgel. Perquai pon ins empustar la versiun cumpletta da singuls artitgels d'ina revista.
Autoservetsch
In apparat da copiar (formats A4 ed A3) statt a Vossa disposiziun
| Fotocopias |
20 raps/pagina (A4 u A3) |
In scanner da cudeschs po vegnir duvrà gratuit. Per leger cun il scanner duvreis Vus mo ina clavetta USB persunala.
Incumbensas da copiar
Unicats e documents ch'èn pli vegls che 100 onns dastgan vegnir copiads mo dal persunal da la biblioteca. Resguardai per plaschair en quest connex las disposiziuns spezialas en il chapitel davart la reproducziun da cudeschs u da documents vegls.
| Fotocopias tras il persunal da la biblioteca |
8.– francs per 1 – 20 paginas che vegnan copiadas or d'in tom |
| Fotografias, microfilms, scans etc. |
Pretsch sin dumonda |
Reproducziun da cudeschs u da documents vegls
Per evitar donns na dastgan cudeschs u documents ch'èn vegnids publitgads avant l'onn 1800 vegnir copiads ni da las utilisadras u dals utilisaders ni dal persunal da la biblioteca. I dat la pussaivladad da laschar fotografar u scannar singulas paginas.
Sche l'ovra è avant maun en la biblioteca naziunala svizra a Berna, èsi il meglier da sa drizzar a questa biblioteca, perquai ch'ella porscha in servetsch da reproducziun professiunal.
Documents ch'èn pli vegls che 100 onns, che n'èn dentant betg cumparids avant l'onn 1800, dastgan vegnir copiads mo dal persunal da la biblioteca e mo sch'il stadi dals documents permetta quai. Exceptads da quai èn ils documents en la sala da lectura che dastgan vegnir copiads da tut temp da l'utilisadra resp. da l'utilisader sez. Per unicats vala il medem sco per documents ch'èn vegnids publitgads avant l'onn 1800.
Documents ch'èn pli giuvens che 100 onns dastgan vegnir copiads da las utilisadras e dals utilisaders sez. Premess vegn en mintga cas ch'ils cudeschs na vegnian betg donnegiads cun copiar. Per reticas fitg raras che na pon betg pli vegnir retratgas sur il commerzi vegn decidì da cas a cas.
Microfilms pon ins copiar sez.
En general ston dumondas per reproducir cudeschs u documents vegls vegnir drizzadas en scrit intgins dis ordavant a la biblioteca chantunala, per ch'i restia temp avunda per sclerir il stadi dal document giavischà. Dumondas che vegnan fatgas a curt termin al spurtegl ston vegnir tramessas vinavant per far ils scleriments necessaris.
En la sala da lectura dastga vegnir fotografà documents cun ina camera digitala mo en enclegientscha cun il persunal da la biblioteca.
Reproducziun d'ovras dal portal da medias audiovisualas
Reproducziuns da contribuziuns u d'ovras dal portal da medias audiovisualas pon vegnir fatgas e consegnadas mo, sche la biblioteca chantunala posseda ils dretgs d'utilisaziun correspundents.
Las medias na dastgan betg vegnir copiadas, publitgadas u dadas vinavant. Il purtader da datas sto vegnir restituì a la biblioteca chantunala.
| Copia digitala sin in purtader da datas da la biblioteca chantunala |
8.- francs per datoteca + 10.- francs per incumbensa |