Il logo è il segn visibel da la promoziun da la cultura dal chantun Grischun. Sch'i vegnan en funcziun logos sin placats, sin stampats, sin invitaziuns, sin catalogs e.u.v., sto il logo «Promoziun da la cultura dal chantun Grischun» cumparair sco ils auters logos, ordinà tenor la successiun da l'autezza da la contribuziun concedida.

Il logo na sto dentant betg vegnir plazzà stringentamain. Sch'er ils logos dals sponsurs na cumparan betg, basta – per exempel en ina publicaziun d'in cudisch – la menziun cun num en la lingua chantunala correspundenta: «Promoziun da la cultura dal chantun Grischun», «Kulturförderung, Kanton Graubünden», u «Promozione della cultura, Cantone dei Grigioni».

Il sustegn tras finanziaderas e tras finanziaders publics sto vegnir separà cleramain dal sponsoring. La promoziun chantunala da la cultura n'ha betg la funcziun da sponsura.