Il logo è il segn visibel da l'Uffizi federal da cultura respectivamain da la Promoziun da linguas dal chantun Grischun. Sch'i vegnan en funcziun logos sin placats, sin stampats, sin invitaziuns, sin catalogs e.u.v., ston ils logos «Uffizi federal da cultura» e «Promoziun da lingua dal chantun Grischun» cumparair sco ils auters logos, ordinads tenor la successiun da l'autezza da la contribuziun concedida.

Ils logos na ston dentant betg vegnir plazzads stringentamain. Sch'er ils logos dals sponsurs na cumparan betg, basta – per exempel en ina publicaziun d'in cudesch – la menziun cun num en la lingua chantunala correspundenta.

Il sustegn tras finanziaders publics sto vegnir separà cleramain dal sponsoring. L'Uffizi federal da cultura e la Promoziun chantunala da linguas n'han betg la funcziun da sponsurs.