En il Grischun datti trais linguas uffizialas: rumantsch, talian, tudestg. Questa trilinguitad caracterisescha er la purschida da linguas da la scola populara.

Il chantun ha scolas obligatoricas rumantschas, talianas e tudestgas. La lingua uffiziala e la lingua da scola vegnan fixadas da las singulas vischnancas. Dapi l'onn da scola 1999/2000 vegn instruì il talian sco segunda lingua en las classas primaras e classas pitschnas da lingua tudestga.

Dapi l'onn da scola 2002/2003 èn vegnids introducids l'englais ed il talian sco roms obligatorics al stgalim superiur. Purschidas spezialas en ils roms d'elecziun datti per quellas linguas naziunalas (tranter auter franzos) che na vegnan betg purschidas sco roms obligatorics.

Ils 22 d’avrigl 2008 ha il cussegl grond dal chantun Grischun decidì d’introducir l’englais sco secunda lingua estra a partir da la 5avla classa. Quella midada duai vegnir realisada davent da l’onn da scola 2012/2013.