Per instruir a moda communicativa ed orientada a l’acziun è ina auta cumpetenza da lingua indispensabla. La furmaziun supplementara en englais maina las persunas d’instrucziun pass per pass al nivel da cumpetenza da lingua pretendì C1.
 

Via da furmaziun chantunala ed individuala

Per la furmaziun supplementara en cumpetenza da lingua stattan duas pussaivladads a disposiziun.

1. via da furmaziun chantunala:
Ils participants tiran a niz ils curs da furmaziun supplementara ch’il chantun metta a disposiziun.

2. via individuala:
La via da furmaziun individuala porscha a las persunas d’instrucziun flexibilitad maximala. Vus savais decider sezs nua e co Vus cuntanschais la cumpetenza da lingua pretendida. La finiziun cun certificat sin nivel B2 e C1 vegn indemnisada pauschalmain.

Per ulteriuras infurmaziuns davart premissas da participaziun, l’assumziun dals custs, il dretg da substituziun etc. consultai la broschura d’infurmaziun.