En il rom da l’introducziun da l’englais sco secunda lingua chantunala a partir da la 5avla classa ha il cussegl grond decidì plinavant:
- D’anticipar en la 3. classa l’emprima lingua estra (talian, rumantsch u tudestg).
- Scolar ad in nivel da cumpetenza da lingua pli aut la persuna d’instrucziun da l’emprima lingua estra (talian, rumantsch u tudestg).
Cura ch’ins ha introducì l’instrucziun d’ina segunda lingua en il chantun Grischun han ins fixà il nivel da cumpetenza da lingua pretendì sin in stgalim pli bass ch’il stgalim proponì oz da las novas directivas da la Conferenza svizra dals directurs chantunals da l'educaziun publica e las scolas autas da pedagogia. Per quai motiv preveda la revisiun parziala in augment dal nivel da cumpetenza da lingua en las linguas chantunalas.
L’augment dal nivel da las linguas chantunalas pertutga las persunas d’instrucziun da la 3. fin la 6avla classa, ch’èn prevedidas per l’instrucziun da linguas estras chantunalas.
La furmaziun supplementara è garantida anc fin la fin da l'onn 2014.