Proceder a la scola primara ed al stgalim aut
Sco post chantunal da coordinaziun è Uffizi per la scola populara ed il sport (USPS) cumpetent per la coordinaziun tranter la Swisscom e las scolas / ils instituts da furmaziun en il chantun Grischun.
Per che nus possian transmetter Vossa dumonda a la Swisscom, As supplitgain nus d'observar ils suandants puncts:
- la dumonda sto vegnir emplenida cumplettamain e cun bustabs da stampa
- la dumonda sto vegnir inoltrada per posta al USPS; copias, faxs u mails na vegnan betg acceptads
- sin mintga dumonda sto figurar ina suttascripziun originala da la scola/da l'institut da furmaziun
- la dumonda po mo vegnir transmessa dal USPS a la Swisscom
Proceder a la scolina
Per che la Swisscom permettia a las scolinas l'access en connex cun il project da sponsoring "Scolas en l'internet", ston vegnir ademplidas obligatoricamain las suandantas prescripziuns:
"Ils computers ston esser en il medem local, en il qual ils uffants lavuran e giogan. L'access a l'internet sto star a disposiziun als uffants. Ils computers na dastgan betg esser en in local accessoric e servir mo a la persuna d'instrucziun per lavurar en e cun l'internet."
Sche questas opziuns èn ademplidas, sto quai vegnir confermà da la scolina ed agiuntà a la dumonda.
Purschida "Extra" da la Swisscom
En il chantun Grischun pon ins profitar a partir da l'onn 2011 da la purschida supplementara "Extra" da la Swisscom. Per quest augment dal volumen da datas ston vegnir surpigliads ils custs. Tut ils custs ston vegnir purtads da l'instituziun ch'è responsabla per la scola. Il chantun Grischun na paja naginas contribuziuns a quests custs.
I ston vegnir surpigliads stringentamain ils parameters da segirezza da la Swisscom. Terzas persunas na pon betg surpigliar quest servetsch.