Tar ils servetschs tutgan er tut ils fatgs finanzials.

Sin fundament da la basa legala sco er sin fundament dals rendaquints correspundents vegnan pajadas contribuziuns a las vischnancas, a las instituziuns responsablas ed ad instituziuns en ils secturs da la scola populara, da la scolina e da la scolaziun speziala. Subvenziunads vegnan tranter auter ils salaris da las persunas d'instrucziun en la scola populara ed en la scolina, ils custs da viadi da las scolaras e dals scolars, la scolaziun speziala, purschidas spezialas da linguas, l'instrucziun dals uffants da lingua estra, scolas e classas bilinguas ed activitads en connex cun il barat linguistic.

Ultra da quai vegnan examinads ils rendaquints ed indemnisads custs, en spezial per curs da scolaziun e da perfecziunament en il sectur da "giuventetgna + sport", per il sport da scola voluntar, per occurrenzas chantunalas da "giuventetgna + sport", per differents projects sco per exempel per l'introducziun da la segunda lingua estra sin il stgalim primar, per la furmaziun supplementara da las persunas d'instrucziun e per meds d'instrucziun.