Sut controlling chapesch’ins in general la direcziun e la regulaziun d’in process. El sa cumpona da duas parts. Ina part sa referescha a l‘avegnir (diriger e regular) e l’autra part sa referescha al passà (controllar).

Il controlling da l‘inspecturat da scola e scolina (ISS) en il rom da la Valetaziun e promoziun da scola duai cumprovar e far attent che la qualitad da la scola è in process permanent. Cul controlling duain il svilup e la qualitad da la scola locala vegnir sustenids. Quai succeda entras documentar, reflectar e valitar la realisaziun da las mesiras. Da questa lavur sa resultan enconuschientschas per ils proxims pass.

Cun il controlling examinescha l‘IS la realisaziun da las mesiras tschernidas da la scola locala, cun il scopo da rinforzar e da confirmar las intenziuns da svilup da la scola.