Generalitads

Il departament d'educaziun, cultura e protecziun da l'ambient po declerar curs spezials sco obligatorics per tschertas categorias da persunas d'instrucziun da la scola e da la scolina . Ils curs vegnan per regla realisads da la scola auta da pedagogia dal Grischun (SAPGR).

Ils curs obligatorics pon vegnir frequentads per la mesadad durant il temp d'instrucziun. Ils custs vegnan purtads dal chantun.

Las persunas d'instrucziun da la scola e da la scolina ch'èn pertutgadas na vegnan per regla betg envidadas individualmain da frequentar ils curs. Ellas na ston per regla betg s'annunziar (exceptads èn curs da repetiziun dal brevet "salvament da nudar"). L'invitaziun cun las indicaziuns concretas davart ils curs van a las chasas da scola, per repartir u per communitgar sin la tavla naira.

Per ils curs da repetiziun brevet l "salvament da nudar" ston las persunas d'instrucziun s'annunziar tar la SAPGR per internet u cun la carta d'annunzia.

La participaziun vegn controllada. Eventualas absenzas vegnan annunziadas a l'autoritad da scola cumpetenta. Tar curs che vegnan manads tras en differents lieus da differents temps po vegnir fatg ina dumonda da regruppament a la SAPGR.