Generalitads

La furmaziun supplementara entaifer la scola (FSS) è in recipient decentral da la furmaziun chantunala supplementara e vegn applitgà là, nua ch' in entir team da la chasa da scola u ch'in entir team da scola vul cuntanscher ina finamira communabla.

Realisaziun:
L'uffizi per la scola populara ed il sport recumonda a mintga scola da realisar almain dus dals 7 curs chantunals dad FSS entaifer trais.

Temp da lavur:
Curs dad FSS che vegnan declerads da l'autoritad da scola locala sco obligatorics pon vegnir realisads maximalmain per la mesadad en il temp d'instrucziun.

Participaziun als custs tras il chantun:
Il chantun surpiglia tut ils custs per las manadras e per ils manaders dals curs (onurari, spesas da pernottaziun, d'alimentaziun e da viadi), premess ch'i vegnia cuntanschì il dumber minimal da 12 participantas e participants. Ulteriurs custs (per spesas, material e.u.v) porta l'autoritad da scola cumpetenta.

Purschida

Ils set curs dad FSS tractan tematicas che han in connex pli u main stretg in cun l'auter. Els sa laschan resumar cun il slogan «Sin via ad ina buna instrucziun en ina buna scola» e pon vegnir repartids en trais tematicas principalas: buna instrucziun, buna scola ed integraziun.