La furmaziun supplementara intensiva pussibilitescha in congedi dal mintgadi professiunal. Quest congedi permetta ina furmaziun supplementara da fin trais mais. Las autoritads da scola da la vischnanca pon conceder tals congedis da perfecziunament pajads a persunas d'instrucziun da la scola e da la scolina che han instruì durant almain 10 onns in pensum d'almain 20 lecziuns resp. 14 uras cumplainas l'emna en ina scola resp. en ina scolina populara dal chantun Grischun. Suenter ulteriurs 10 onns e sut las medemas premissas sco per l'emprim congedi da perfecziunament po vegnir concedì da l'autoritad da scola cumpetenta in segund congedi da perfecziunament da maximalmain 3 mais.
Tar curs da perfecziunament intensivs surpiglia il chantun ils custs dals curs e paja las contribuziuns als custs da substituziun da persunas d'instrucziun da la scola populara e da la scolina en congedi.
Furmaziun supplementara intensiva CDEP-ost
Infurmaziuns/documents d'annunzia pon vegnir retratgs tar:
furmaziun supplementara intensiva CDEP-ost, Müller-Friedbergstr. 34, 9400 Rorschach, manader dr. Ruedi Stambach, tel. 071 845 48 80 u e-mail intensivweiterbildung@phsg.ch
www.phsg.ch