Ils uraris dal stgalim secundar I (scola reala e scola secundara) èn concepids uschia che las scolas survegnan vastas pussaivladads da cooperar. Colliada cun quai è ina permeabilitad meglierada tranter ils tips da scola.

Uraris per las classas pitschnas dal stgalim superiur

Tenor l'art. 8 da l'ordinaziun davart l'organisaziun da classas pitschnas valan las disposiziuns davart ils roms d'instrucziun, davart il dumber da las lecziuns e davart ils uraris da la scola primara, reala e secundara confurm al senn per las classas pitschnas. Sin dumonda dal cussegl da scola po l'inspecturat adattar a la situaziun concreta tant il temp d'instrucziun emnil sco er ils uraris per classas pitschnas u per singulas scolaras u per singuls scolars.