Curs da sport da scola sco punt per il sport d'uniuns

Il sport da scola G+S è ina colliaziun tranter il sport da scola obligatoric ed il sport d'uniuns voluntar. La finamira dal sport da scola è – cun pussibilitar da frequentar las purschidas da sport voluntar en scola – d'entusiasmar uschè blers giuvenils sco pussaivel per il sport d'uniuns voluntar.
 

Curs e champs

Las scolas cun ina u cun in coach da G+S pon porscher a las scolaras ed als scolars curs e champs en las numerusas disciplinas da G+S. Uschia han ellas la pussaivladad da gidar a promover in'occupaziun da temp liber raschunaivla dals giuvenils.

Champs sin viadi

Champs da sport da scola, en ils quals las scolaras ed ils scolars èn sin viadi a pe u cun in urdain da sport durant almain quatter uras, pon – tenor las directivas dal sport da scola – vegnir annunziads sco champs (sin viadi) tar G+S.