Il departament d'educaziun, cultura e protecziun da l'ambient (DECA) e ses posts da servetsch èn cumpetents per ils suandants champs d'incumbensas:
A. Educaziun
- scolina e scola populara: survegliar, planisar e coordinar sco er metter a disposiziun meds d'instrucziun
- promover uffants cun impediments e promover l'integraziun tras mesiras da scola
- survegliar, planisar e coordinar en il sectur da las scolas medias; manar la scola chantunala grischuna
- promover la furmaziun professiunala, la furmaziun professiunala superiura; metter a disposiziun purschidas da cussegliaziun; manar il center da furmaziun per la sanadad ed ils fatgs socials
- scolas autas: manar la scol'auta professiunala da pedagogia, promover instituziuns aifer il chantun, promover l'access al studi per studentas e students dal Grischun
- promoziun generala dal sport: gimnastica da scola, giuventetgna e sport
- agids da scolaziun (stipendis)
B. Cultura
- promoziun generala da la cultura
- promoziun da linguas
- manar trais museums: museum retic, museum da la natira dal Grischun, museum d'art dal Grischun
- biblioteca chantunala
- archiv dal stadi
- servetsch archeologic
- tgira da monuments
C. Protecziun da l'ambient
- protecziun da l'ambient: impestaziuns da l'aria, canera, ruments, contaminaziuns dal terren, incaps relevants
- protecziun da las auas: protecziun quantitativa e qualitativa da las auas, tractament da l'aua persa, sereneras, protecziun planisatoria da las auas, liquids privlus per las auas, prevenziun e reparaziun da donns, contribuziuns chantunalas
- protecziun da la natira e da la cuntrada: protecziun da biotops, protecziun da las spezias, protecziun da la cuntrada