8. conferenza da las presidentas communalas dals 2 da november 2010 a Cuira

Quest onn ha la conferenza da las presidentas communalas gì lieu a Cuira.

La chasa municipala ha avert sias portas e l'emprima cussegliera da la citad da Cuira, Doris Caviezel-Hidber, ans ha dà ina invista en sia activitad. Suenter in apero – offrì da la citad – avain nus gì temp per in barat, per discussiuns, per explitgar novas vias ubain per las chattar en in discurs durant in gentar en la stiva medievala da la chasa da mastergnanza "Rebleuten", là nua che l'emprima conferenza ha gì lieu l'onn 2003.

Dr. Beat Stutzer, directur dal museum d'art, ans ha manà il suentermezdi en il mund dal 18. tschientaner tar Angelika Kauffmann, «... la dunna la pli cultivada da l'Europa». El ha fatg reviver il temp classic, e la vita d'ina artista scolada cun talent per linguas, che ha cumenzà "casualmain" a Cuira en la Reichsgasse, è daventada concreta. Il circul è sa serrà en la stivetta dad Angelika Kauffmann, gist sut la chombra, nua ch'ella è naschida. Il di è ì a fin cun café e turta.