Il project "respect en l'inscunter" è vegnì lantschà il schaner 2008. El ha realisà ils ultims dus onns lavuratoris en differents inscunters da giuvenils dal chantun Grischun. Totalmain passa 100 giuvenils han fatg part da quels.

La lavur da project è vegnida sviluppada en il rom dal project d'intervenziun cunter la violenza a chasa dal post da stab per l'egualitad da las schanzas. Christian Stalder, responsabel per il project e pedagog social cun il focus sin la lavur cun umens e cun mats ha purschì – en collavuraziun cun Nicole Dobmann, pedagoga sociala – ina plattafurma da barat per ils giuvenils. Ils mats e las mattas han pudì sa fatschentar cun ils giavischs e cun ils basegns da l'atgna e da l'autra schlattaina ed han pudì emprender d'enconuscher e da respectar ils cunfins da l'autra persuna.

La fin da l'onn 2009 vegn terminà il project "respect en l'inscunter" sco ina part dal project grischun d'intervenziun cunter violenza a chasa. Il team da project porscha vinavant – sin dumonda – ses lavuratoris e sias cussegliaziuns davart ils temas dal project.

Sco product final han Nicole e Christian sviluppà ina schelta da temas dal project cun dumondas, cun respostas, cun ideas e cun curiusitads. Spezialmain per persunas che lavuran cun giuvenils.
Tar noss post da stab pon vegnir retratgs exemplars gratuits.
Ulteriuras infurmaziuns ed adressas – vesair ils links!

...guardai er nossa galaria da fotografias sut "documentaziun"!