Engaschament cunter la violenza envers dunnas en partenadis

 
Dapi la mesadad dals onns 90 èn sa furmads uschenumnads projects d'intervenziun cunter violenza a chasa en differentas citads da la Svizra. Cun mesiras coordinadas e cun ina collavuraziun effectiva tranter ils posts statals ed ils posts privats duain las victimas da la violenza a chasa vegnir protegidas meglier.
Ils projects d'intervenziun sa basan sin las experientschas da projects sumegliants or d'auters pajais, spezialmain sin il project "Domestic Abuse Intervention Projekt" da Duluth, Minnesota, en ils Stadis unids.
Las finamiras principalas d'in project d'intervenziun èn:

• retegnair la violenza
• proteger las victimas
• far responsabels las delinquentas u ils delinquents

Cun la decisiun dal mars 2003 ha la regenza dà glisch verda per realisar il project grischun d'intervenziun cunter violenza a chasa. Il settember 2003 ha il project pudì vegnir lantschà sut la direcziun dal post da stab per l'egualitad da las schanzas.

Direcziun dal project:

• Susanna Mazzetta

Pensums da lavur: 30%