La cuminanza da lavur da las regiuns alpinas (Arge Alp) è vegnida fundada ils 12 d'october 1972 a Mösern en il Tirol cun la finamira da schliar sco buns vischins problems d'in interess communabel. Cun ina collavuraziun transcunfinala e cun ina instituziunalisaziun minimala ha la Arge Alp la finamira da tractar ils interess communabels da ses commembers, cunzunt sin il champ cultural, social, economic ed ecologic. La Arge Alp vul er svegliar la conscienza per la responsabladad communabla per il spazi da viver alpin, promover ils contacts tranter las burgaisas ed ils burgais, rinforzar la posiziun dals stadis, da las regiuns, da las provinzas e dals chantuns e contribuir – ensemen cun autras instituziuns – ina part a la collavuraziun en l'Europa. La Arge Alp ha ils suandants commembers: Baviera, Vorarlberg, Tirol, Salzburg, Lumbardia, provinzas autonomas Bulsaun-Tirol dal sid e Trento, Grischun, Son Gagl e Tessin.
L'onn 2008/2009 ha il Grischun surpiglià – confurm al turnus – per in onn il presidi da la Arge Alp.