Il secretariat da la chanzlia chantunala sa cumpona dal secretariat da la direcziun e dal secretariat da la regenza. Il secretariat sustegna la direcziun da la chanzlia e la regenza ed è er responsabel per organisar occurrenzas da la regenza. In ulteriur servetsch èn las legalisaziuns.
Autentificaziuns (legalisaziuns / apostillas)
Documents ch'èn vegnids suttascrits d'autoritads e d'uffizis grischuns sco da dretgiras, d'autoritads communalas, d’uffizis da stadi civil, d'uffizis dal register da commerzi, da notaras e da notars pon vegnir autentifitgads tar la chanzlia chantunala dal Grischun. En il traffic da dretg internaziunal numnan ins questa autentificaziun er legalisaziun.
La chanzlia chantunala conferma cun l'autentificaziun sulettamain l'autenticitad da la suttascripziun dentant betg la correctadad dal cuntegn dal document.
Apostilla
Per ils stadis ch'han suttascrit la "convenziun da Den Haag" vegn l'autentificaziun fatga cun ina apostilla . Ils documents vegnan deliberads d'ina autentificaziun consulara e vegnan directamain renconuschids en il pajais da destinaziun.
Per stadis libers che n'èn betg represchentads en la "convenziun da Den Haag", vala l'autentificaziun usitada senza apostilla che pretenda silsuenter ina autentificaziun surordinada dal consulat. Per savair, sche Voss pajais ha suttascrit la "convenziun da Den Haag", pudais Vus consultar la glista d'apostillas.
Custs da las autentificaziuns (legalisaziuns / apostillas)
Ils custs vegnan mess a quint tenor l'ordinaziun da taxas. I n'è betg pussaivel da pajar en daner blut.
Termins d'elavuraziun
L'autentificaziun vegn fatga durant las uras d'avertura (gli – ve 10.00 – 11.00 u / 14.00 – 16.00), per regla immediat e senza preannunzia. Incumbensas da passa 10 documents pretendan in pau dapli temp d'elavuraziun. Ils documents vegnan tramess per posta u pon tenor cunvegna vegnir retratgs tar la chanzlia chantunala. En cas d'autentificaziuns per posta agiuntai per plaschair adina ina brev accumpagnanta, en la quala il pajais da destinaziun dal document che sto vegnir autentifitgà resp. l'adressa exacta per la respediziun dal document autenfititgà cun il quint è inditgà cleramain.
Adressa ed uras d'avertura
Chanzlia chantunala dal Grischun
Autentificaziuns
Reichsgasse 35, chascha postala, CH 7001 Cuira
Biro 05, plaunterren
Uras d'avertura: glindesdi fin venderdi 10.00 – 11.00 e 14.00 – 16.00)
Telefon: +41 (0)81 257 22 23
Telefax +41 (0)81 257 21 41
E-mail: heidi.nold@staka.gr.ch