Ademplind il princip da la publicitad da la giustia statuì en l’art. 30 al. 3 da la constituziun federala vegnan publitgadas qua, cun intginas excepziuns (protecziun da la persunalitad, evitar repetiziuns nunecessarias surtut en il dretg da las assicuranzas socialas) e sch’igl è necessari en furma anonima, las sentenzas da la dretgira sut la rubrica "sentenzas actualas". Ultra da quai exista ina "collecziun da las decisiuns", en la quala pon vegnir consultadas, cun agid d’ina retschertga integrala, tut las sentenzas publitgadas electronicamain davent dal fanadur 2000 sco er quellas da la PDA da 1996 - 2003.

Dapi che las decisiuns vegnan publitgadas ubain per tudestg ubain per talian, vegni renvià a la part tudestga u taliana per tschertgar tant las sentenzas actualas sco er quellas en la collecziun da las decisiuns.