Navigation

Inhaltsbereich

Las elecziuns dal cussegl dals chantuns èn elecziuns chantunalas ed han lieu mintga quatter onns il medem mument sco las elecziuns dal cussegl naziunal la segund ultima dumengia d'october. Il termin per l'elecziun da renovaziun dal cussegl dals chantuns per la perioda d'uffizi da quatter onns che cumenza cun la sessiun d'enviern 2015 è dumengia, ils 18 d'october 2015. Ils dus mandats dal chantun Grischun en il cussegl dals chantuns vegnan surdads tenor la procedura electorala da maiorz. Il dretg d'eleger ed il dretg da vegnir elegì han tut las Svizras e tut ils Svizzers che han cumplenì il 18avel onn da vegliadetgna e che han lur domicil politic en il chantun. Il dretg d'eleger activ e passiv han spezialmain er las Svizras ed ils Svizzers che vivan a l'exteriur, ma ch'èn registrads en il chantun.

In segund scrutini ha lieu, sch'in u sche tuts dus sezs restan vacants en l'emprim scrutini, perquai che las candidatas ed ils candidats n'han betg cuntanschì la maioritad absoluta. Quest segund scrutini vegniss ad avair lieu ils 8 da november 2015.