Nus essan il center per ca. 5000 emprendistas ed emprendists e per ca. 3000 manaschis d'emprendissadi. Ensemen cun ils manaschis d'emprendissadi vegnan creadas – en in process permanent – premissas da scolaziun optimalas. Las furmaturas ed ils furmaturs da la professiun vegnan scolads en curs per patrunas e per patruns d'emprendissadi. A novs manaschis resp. a novas firmas vegn dà il dretg da scolar emprendistas ed emprendists.

Nus intermediain, sch'i dat problems tranter las partidas dal contract d'emprendissadi areguard la scolaziun, gidain a rediger ils contracts d'emprendissadi (che stattan a disposiziun sco documents da PDF interactivs en tut las quatter linguas naziunalas) ed infurmain las emprendistas ed ils emprendists davart lur dretgs e davart lur obligaziuns.

Nus cussegliain en cas d'ina midada da la plazza d'emprendissadi u en cas d'ina interrupziun da l'emprendissadi, examinain ed approvain relaziuns d'emprendissadi reducidas u prolungadas e respundain dumondas en connex cun la scolaziun professiunala.