|
Il privel actual d'incendis da guaud en il chantun
La charta mussa il privel d'incendis da guaud en las regiuns dal Grischun. Pervia da l'autezza e pervia da l'exposiziun po quel divergiar localmain da la media. Ils nivels da privel valan per lieus senza naiv. Sch'ins fa fieu, ston ins adina esser fitg precaut! Tenor la legislaziun chantunala forestala èsi scumandà da far fieu ordaifer la zona d'abitadi, sch'il privel d'incendis da guaud è augmentà. En tals cas fa l'Uffizi da guaud e privels da la natira attent spezialmain a quai.
|
Scumonds da far fieu actuals en il chantun
En cas da basegn preschenta la charta las regiuns, per las qualas il chantun ha pronunzià scumonds da far fieu (surfatschas nairas). Qua vala in scumond absolut da far fieu en il liber! Exceptada da quest scumond è la zona d'abitadi. La zona d'abitadi cumpiglia tut las zonas da construcziun cun vigur legala sco er las surfatschas che n'èn betg enzonadas, ma ch'èn circumdadas cumplettamain da zonas da construcziun. En connex cun il privel d'incendis da guaud e da cultira pon las vischnancas definir ulteriurs areals cun caracter d'abitadi (sco territoris d'aclas, zonas da mantegniment e.u.v.) sco zona d'abitadi. Er en las regiuns senza scumond da far fieu ston ins esser precaut, sch'ins fa fieu! Plinavant pon las vischnancas decretar atgnas disposiziuns concernent in scumond da far fieu. Questas disposiziuns ston vegnir resguardadas spezialmain!
|
|
|
|
Nivel dal privel d'in-cendis da guaud
|
Descripziun
|
Instrucziuns da cumportament
|
|
bass
|
- I na po betg vegnir exclus cumplainamain ch'i dettia pitschens incendis. Els sa furman però mo, sche l'apport d'energia è grond. Culps da chametg na chaschunan strusch incendis./li>
- Sveltezza da la derasaziun dal fieu: generalmain bassa.
- Fieus da fund resp. fieus superfizials, las tschimas n'èn betg pertutgadas, la stresa da humus na vegn betg arsa.
- L'incendi da guaud po vegnir stizzà facilmain.
|
Betg bittar davent da levsenn cigarettas, products da fimar e battafieus.
|
|
moderà
|
- Localmain poi dar fieus spontans. Culps da chametg chaschunan mo darar in incendi da surfatscha.
- Sveltezza da la derasaziun dal fieu: bassa fin mesauna.
- Fieus da fund resp. fieus superfizials, las tschimas èn pertutgadas mo darar, la stresa da humus na vegn betg arsa u vegn arsa mo pauc.
- Normalmain po l'incendi da guaud vegnir stizzà facilmain.
|
Betg bittar davent da levsenn cigarettas, products da fimar e battafieus.
Observar permanentamain il fieu dal gril e stizzar immediatamain las sbrinzlas.
|
|
considerabel
|
- Zulprins che ardan e sbrinzlas d'in fieu da gril pon chaschunar in incendi. Er culps da chametg pon chaschunar incendis da surfatscha.
- Sveltezza da la derasaziun dal fieu: gronda en la cuntrada averta, mesauna en il guaud.
- La stresa da humus vegn arsa per part, igl è pussaivel che singulas tschimas ardan.
- L'incendi da guaud po vegnir stizzà mo da persunas spezialisadas e cun apparats moderns.
|
Envidar fieus da gril mo en fuclars existents.
Observar permanentamain il fieu e stizzar immediatamain las sbrinzlas.
Suandar en mintga cas las instrucziuns da las autoritads localas!
|
|
grond
|
- Zulprins che ardan, sbrinzlas d'in fieu da gril e culps da chametg pon envidar cun gronda probabilitad in incendi.
- Sveltezza da la derasaziun dal fieu: gronda er en il guaud.
- Fieus da fund chauds che dattan fieu a las tschimas da singuls bostgs, pussaivla è ina derasaziun tras sbrinzlas, la stresa da humus vegn arsa.
- Igl è difficil da stizzar l'incendi da guaud, quai dovra temp ed ils meds respectivs.
|
En general na far nagins fieus al liber.
Fuclars fixs
(fund betunà!) dastgan vegnir duvrads cun tutta precauziun en ils lieus inditgads da las autoritads!
Betg far fieu, sch'i sufla in ferm vent!
Suandar en mintga cas las instrucziuns (scumonds da far fieu) da las autoritads localas!
|
|
fitg grond
|
- Incendis pon s'envidar da tut temp.
- Sveltezza da la derasaziun dal fieu: fitg gronda durant in lung temp.
- Fieus fitg chauds, fieus da tschima sin grondas surfatschas, fieus che sa derasan tras sbrinzlas sur grondas distanzas.
- L'incendi da guaud n'è strusch da stizzar.
|
Na far nagins fieus al liber!
Suandar en mintga cas las instrucziuns ed ils scumonds da far fieu da las autoritads localas!
|
|
Scumond absolut da far fieu
|
Ordaifer la zona d'abitadi vala in scumond absolut da far fieu! (ordinaziun uffiziala)
|
Ins na dastga er betg duvrar ils fuclars fixs!
Observar strictamain il scumond da far fieu!
|
|
1 = Svilup
2 = Sveltezza da derasaziun
3 = Caracteristicas
4 = Cumbat
|
|
|
|
Reglas da cumportament generalas per far fieu en il liber
|
- Far fieu en il liber mo, sch'ins è fitg precaut, uschiglio insumma betg far fieu en il liber.
- Resguardar las infurmaziuns en l'internet, al radio, a la televisiun ed en las gasettas; observar en mintga cas ils scumonds da far fieu!
- Mai bittar davent da levsenn cigarettas e zulprins che ardan.
- Sche pussaivel far fieu mo en fuclars fixs per grillar e betg directamain sin la terra.
- Observar permanentamain il fieu ch'ins ha fatg e stizzar immediatamain las sbrinzlas.
- Bandunar ils fuclars e lur conturns mo, sch'els èn stizzads dal tuttafatg.
- En mintga cas desister da far fieu al liber, sch'i sufla e buffa.
- Laschar ir fieus artifizials mo en lieus ch'èn vegnids permess expressivamain da la vischnanca.
|
|
|
|
|
Avertiment d'incendis da guaud cun sustegn dal computer
Las chartas qua survart sa basan sin il sistem per prognostitgar incendis da guaud cun il num «Incendi». Questa applicaziun che sa basa sin il SIG è vegnida sviluppada per incumbensa dal chantun Grischun.
|
|
Indikatoren für Waldbrandgefahr
|
|
Weitere Informationen zum
Thema Waldbrand
|
Faktenblatt
Foglio informativo
|
Wenn Feuer Wälder Fressen (pdf, 500 KB)
Quando il fuoco divora i boschi (pdf, 500 KB)
|
|
Waldbrand im Kanton Graubünden
Übersicht der Material-Depots für die Waldbrandbekämpfung im Kanton Graubünden
Das Waldbrandjahr 2003
Waldbrände in
der Welt
|