| Dumbraziuns dal traffic betg motorisà 2024 |
L'Uffizi da construcziun bassa dal Grischun posseda 19 apparats da dumbraziun per registrar ils moviments da las viandantas e dals viandants sco er da las ciclistas e dals ciclists da velos da muntogna sin tschertas vias. Entant che tscherts apparats èn en funcziun durant l'entir onn, dumbran quels en regiuns turisticas mo durant la stagiun da stad.
2024 èn vegnids endrizzads sis novs lieus da mesiraziun. Malgrà singulas largias en las datas resta la qualitad da la retschertga tut en tut buna. Sfidas tecnicas sco sensurs creschids en, insects che sa chasan en ils sensurs u defects han chaschunà singulas interrupziuns.
Las datas furneschan enconuschientschas impurtantas: Il traffic è augmentà cleramain en staziuns fermamain frequentadas sco Landquart ed en auters lieus sa è reducì il dumber. Differenzas en il cumportament d'utilisaziun èn visiblas tranter glieud che va cun il mountainbike e glieud che va a viandar. Plinavant datti fluctuaziuns stagiunalas e regiunalas ed er l'aura ha ina influenza.
Questas analisas gidan a meglierar sistematicamain l'infrastructura, a minimar conflicts d'utilisaziun e a promover optimalmain il traffic betg motorisà en il Grischun.
Qua vai tar il rapport 2024 |
|
|
| Fairtrail 2025: Novas missivas, novas apparientschas |
| Fairtrail Grischun promova dapi onns ina convivenza cun respect tranter ciclistas e ciclists e viandantas e viandants. Da nov mettain nus noss focus anc pli fitg sin il guaud, la selvaschina e l'economia d'alp. Suenter preschentaziuns inspirantas da la nova campagna en numerusas regiuns èn a disposiziun adina pli materials digitals ed analogs: |
 |
|
Fegls d'infurmaziun per infurmar e sensibilisar furnituras e furniturs da prestaziuns e cussegliadras e cussegliaders da giasts. |
|
|
|
Regals per divers puncts da contact |
|
|
|
Material da communicaziun, incl. logo adattà per l'integraziun en Voss chanals da communicaziun |
|
|
|
Codex per las affischas e per la communicaziun digitala |
|
|
|
Annunzia per il newsletter B2B cun novitads da mintga mais |
|
|
|
e bler dapli. |
|
|
|
| Mesadad tar graubünden Bike – ed in nov ciclus OKR |
graubünden Bike è arrivà a la mesadad da ses project. Sin la pagina da novitads vegnan publitgadas currentamain actualisaziuns dals projects parzials. Ina visita vala la paina – forsa chattais Vus là er ina sinergia per Voss mintgadi.
A Sedrun han dacurt 45 participantas e participants elavurà ensemen 18 dumondas en in lavuratori intensiv davart objectives and key results (OKR). Il barat è stà engaschà ed inspirant.
Il proxim lavuratori ha lieu ils 6 da zercladur a Lai. Tut las infurmaziuns e la pussaivladad da s'annunziar chattais Vus qua. |
|
|
| FreiPass Grischun: Nova pagina d'internet – novas pussaivladads |
La nova pagina d'internet freipass-graubuenden.ch è online! Ella concentrescha en in lieu tut las occurrenzas da las vias da pass per il traffic betg motorisà en il Grischun. Ultra da las occurrenzas enconuschentas sco il slowUp Alvra ed il di da velo Stilfserjoch/Umbrail èn danovamain er il Pass dal Spleia ed il Pass dal Lucmagn part da la purschida.
FreiPass Grischun è in project parzial da graubünden Bike, manà da Pro Velo Grischun e da Grischun Vacanzas. La finamira è d'avrir vias da pass temporarmain mo per ciclistas e ciclists e da dar tras quai impuls per la mobilitad miaivla e per in turissem orientà ad aventuras. |
|
|
| Home of Trail e DIMB fan chaussa cuminaivla |
Nus ans legrain da la nova cooperaziun da Home of Trail Grischun e da l'iniziativa tudestga mountainbike DIMB (Deutsche Initiative Mountainbike). Quai è in engaschament cuminaivel per la community da mountainbike. La DIMB profita da las grondas enconuschientschas dal Home of Trails. Nus survegnin la pussaivladad da render enconuschent il chantun da vacanzas da mountainbike anc pli fitg en la Germania, noss martgà ester il pli impurtant. Quai sur tut tar las 10 000 commembras e commembers directs da la DIMB tar las cuminanzas d'interess ed uniuns da mountainbike cun ulteriuras 140 000 commembras e commembers.
Nus faschain quai tras quai che nus: |
|
|
communitgain via ils chanals da communicaziun da la DIMB, |
|
|
|
offrin purschidas spezialas a las commembras ed als commembers, |
|
|
|
faschain scolaziuns en il Grischun, |
|
|
|
sco er cun producir fotografias e videos. |
|
La cooperaziun tranter la DIMB e Home of Trails Grischun è fixada en in emprim pass ad interim per 3 onns. Durant quest temp duain vegnir sviluppads novas iniziativas ed novs projects per rinforzar vinavant la community da mountainbike.
Dapli infurmaziuns sut: dimb.de/2025/03/23/graubuenden-x-dimb |
|
|
| Colliar da nov il bikesharing «Mooinz» cun l'abunament dal traffic public! |
Bunas novitads per tuts ch'èn gugent en gir en moda flexibla: Il bikesharing a Cuira po ussa vegnir duvrà en la regiun da Transreno cun l'abunament annual dal traffic public! Cun la nova marca da tetg BikeShare invia vegn extendì il model da success da Mooinz ordaifer Cuira.
Tuts che han in abunament annual da Transreno pon sa verifitgar cun il SwissPass en l'app nextbike e profitan: 30 minutas per viadi èn gratuitas, e-bikes per 1.– franc ed e-cargobikes per 2.– francs.
In emprest da velos public è ina cumplettaziun ideala al traffic public ed in pussaivladad sauna e favuraivla da la mobilitad quotidiana a favur dal clima. A l'extensiun dal bikesharing grischun na s'oppona pia nagut.
Ulteriuras infurmaziuns sin: invia.ch/bikeshare e mooinz.ch (app e registraziun) |
|
|
| Project NPR graubünden Trailrun 2025–2028 |
L'uniun graubünden Trailrun sa legra da la garanzia da finanziaziun definitiva per il project «graubünden Trailrun 2025–2028». Cun il sustegn da la Confederaziun e dall chantun po l'istorgia da success dals ultims onns vegnir cuntinuada consequentamain grazia a la nova politica regiunala (NPR), quai cun la finamira da rinforzar il Grischun sco destinaziun principala da trailrunning en Svizra.
Durant l'avrigl ed il matg han lieu lavuratoris per preschentar, reflectar e priorisar la skizza da project. L'organisaziun dal project integrativa e participativa integrescha tut ils acturs relevants: da las destinaziuns e furniturs da prestaziuns sur la populaziun locala fin a la community da trailrunning. Propostas creativas, infrastructuras innovativas e mesiras da communicaziun sistematicas rendan il Grischun anc pli attractiv sco destinaziun da trailrunning – per indigenas ed indigens, per giasts e per tuts che sa movan gugent en la natira.
S'annunziar ussa far part a la discussiun: graubuendentrailrun.ch/kickoff-serie |
|
|
L'acziun Bike2school animescha scolaras e scolars d'ir a scola durant 4 emnas cun il velo. Ils effects positivs da l'ir cun il velo èn evidents: Ir cun velo promova la buna furma, è bun per l'ambient e fa simplamain plaschair!
Classas dal chantun Grischun sa participeschan gratuitamain a la concurrenza. Il chantun Grischun sustegna l'acziun. L'annunzia è pussaivla fin ils 8 da matg 2025 e vegn fatga sin bike2school.ch. |
|
|
Il lavuratori «bikecontrol» da Swiss Cycling è in percurs d'inschign per giuvnas ciclistas e giuvens ciclists en in territori protegì (p.ex. plazza da pausa). Ils curs han lieu durant il temp da scola obligatoric e vegnan manads d'ina persuna d'instrucziun da bikecontrol. La finamira dal lavuratori è d'intermediar tscherts inschigns tecnics a las scolaras ed als scolars tranter 6 e 16 onns per obtegnair dapli segirezza en il traffic sin via.
Il chantun Grischun sustegna il project. Ulteriuras infurmaziuns incl. link per l'annunzia sut: swiss-cycling-bikecontrol.ch |
|
|
| Tura transcunfinala da plirs dis tranter vischnancas d'alpinists |
Las vischnancas da l'Engiadina Bassa Guarda, Ardez e Lavin e la vischnanca dal Vnuost Sura Matsch èn colliadas tras bleras chaussas: il rumantsch, il mund alpin originar e l'emprima tura da plirs dis tranter vischnancas dad alpinists. L'idea è naschida cur che responsabels da las vischnancas èn s'emprendids d'enconuscher a la dieta annuala da l'iniziativa vischnancas d'alpinists. Ensemen cun uniuns alpinas, las uniuns turisticas sco er cun Eurotrek è l'idea vegnida realisada. Il resultat: ina tura lunga tranter las vischnancas da muntogna calmas al pe dal Piz Buin e da la Weisskugel/Palla Bianca cun pernottaziuns en trais chamonas e recreaziun sper lais clers sco cristals.
Questa tura lunga, incl. la purschida ch'ins po reservar, è in exempel per in project en la rait da las vischnancas d'alpinists che vulan promover il turissem natiral e la valurisaziun regiunala. En Svizra tutgan ultra da Lavin, Guarda ed Ardez er St. Antönien e la Valle Onsernone tar questa rait. Campo Vallemaggia e Lauenen festiveschan quest onn lur participaziun.
Scuvrir la tura: engadin.com/de/touren/weitwanderung-bergsteigerdoerfer
fotografia: Regiun da vacanzas Vnuost Sura – Benjamin Pfitscher |
|
|
| bergversetzer – lavur voluntara per regiuns da muntogna svizras |
bergversetzer intermediescha dapi passada 30 onns voluntarias e voluntaris a persunas u instituziuns en las regiuns da muntogna svizras che dovran agid per realisar projects. Saja quai cultivar pastgiras, mantegnair sendas u realisar projects da construcziun sco construir stgalas da sendas (guardar maletg), las acziuns èn multifaras e pon durar d'in di fin pliras emnas.
La plattafurma permetta a las vischnancas e partenaris turistics da registrar directamain las purschidas da lavur e da tschertgar voluntarias e voluntaris adattas. Nus surpigliain la coordinaziun individuala tranter las partidas fin che l'acziun è concludida cun tut ils detagls – e quai gratuitamain. Uschia sustegnain nus la regiun da muntogna mintg'onn cun ina prestaziun da passa dieschmilli dis da lavur.
Duvrai quest'occasiun per realisar voss projects cun voluntarias e voluntaris engaschads. Registrai vossa purschida da lavur sin nossa pagina d'internet u contactai nus per ina cussegliaziun persunala. Ensemen gidain nus a mantegnair ed a tgirar il territori da muntogna sco territori natiral, sco plazza economica e sco spazi da viver.
Ulteriuras infurmaziuns sut: bergversetzer.ch
Contact: info@bergversetzer.ch / tel. 056 450 33 19 |
|
|
| © 2025 Uffizi da construcziun bassa, Traffic betg motorisà. Tut ils dretgs resalvads. |
|
|
