Uffizi da construcziun bassa, Servetsch per il traffic betg motorisà November 2021
 
 
Image
 
  Image
 
Quai è stà la dieta davart il traffic betg motorisà 2021!
 
E gia è ella puspè istorgia: La dieta graubündenMobil davart il traffic betg motorisà ha gì lieu ils 30 da settember a Cuira cun passa 160 participants. Cun discussiuns al podi èn ils temas: campagna da Fairtrail e qualitad da purschidas d’enviern vegnids approfundids daried. Tranteren hai dà referats d’input. Quels han mussà il futur da l’uschenumnà trailrunning en Grischun, il svilup rasant da l’infrastructura da velo en la citad da Berna, in center da trail tut spezial a St.Corona am Wechsel, las vistas da la digitalisaziun en il traffic betg motorisà e las pussaivladads da registrar il dumber d’utilisaders sin las vias da traffic betg motorisà. E natiralmain ha gì lieu tranteren er in barat persunal intensiv, in networking sistematic ubain in revair cun plaschair. L’ediziun 2022 è gia en lavur!

Ils referats d’input pon vegnir legids qua, quest link maina ad ina pitschna fotogallaria.
 
 
 
 
  Image
 
Il chantun gida!
 
Il chantun Grischun è in partenari fidà per las vischnancas che vulan sviluppar las vias da traffic betg motorisà. En il rom da la legislaziun chantunala davart las vias sa participescha el cun contribuziuns chantunalas a la construcziun ed a la signalisaziun d’indrizs da traffic betg motorisà. Cun quai sustegna e promova el il svilup dal traffic betg motorisà en Grischun enten la mobilitad dal mintgadi e dal temp liber. En la vita da mintga di sa sviluppa il traffic da pedunAs e da velos ad in purtader da mobilitad impurtant che maina ils umans svelt ed activamain a lur destinaziun. En il turissem da stad na pon ins gia daditg pli ignorar l’existenza dals viandants, velocipedists e mountainbikers. Il post dal traffic betg motorisà ha cumpilà ina survista da las cundiziuns per survegnir in sustegn finanzial en in flyer. Cun quel pon las vischnancas giuditgar tant pli spert, sch’ellas vegnan en dumonda per ina contribuziun chantunala per lur vias da viandar, da velo u da mountainbike. Ellas pon telechargiar il flyer qua.
 
 
 
 
  Image
 
Allegra Academy, dapli savair per nagut er l’onn 2022
 
Suenter che l’Allegra Academy è vegnida lantschada la primavaira 2021, vegn cuntinuada la plattafurma d’emprender online per il traffic betg motorisà en Grischun er l’onn che vegn. Tge è l’Allegra Academy? En quest video vegn la plattafurma nova declerada en gnanca trais minutas.

Planisaziun dal territori per persunas che n‘èn betg dal fatg
L’ultim curs da l‘Allegra Academy è concepì per tut ils/las GrischunAs che vegnan adina puspè en contact cun la planisaziun dal territori, n’èn dentant betg expertAs. Il curs cumpiglia blers videos, texts e controllas dal progress. Tiers datti funtaunas cuntinuantas che permettan a tut ils/las participantAs da s’approfundar tenor plaschair en ils singuls temas. Il curs è gratuit. Qua chatt’ins la registraziun e qua vai directamain al curs.

Nov curs «Martgà Mountainbike»
Il nov curs da l’Allegra Academy ha elavurà ils studis ils pli impurtants davart il martgà da mountainbike ed als cumplettads cun 5 intervistas cun differents experts. Tranter auter communitgeschan Nico Pesko (Pesko Sport Lenzerheide) e Thomi Giger (herbert.bike) lur previsiuns per il svilup futur dal turissem da mountainbike. Qua chatt’ins directamain la registraziun e qua vai directamain al curs.

 
 
 
 
  Image
 
Funcziuna il traffic da velo tar Vus?
 
Ils velocipedists dal mintgadi èn expertas/experts pertutgant l’ir cun velo. Els/ellas percorschan sin lur vias quotidianas crediblamain flaivlezzas e difficultads, vesan dentant er las correcturas pitschnas e grondas vi da las vias. Quella savida ston ins nizzegiar, ella vala bler per la planisaziun ed il svilup da l’infrastructura da velo. Pro Velo Svizra fa perquai mintga quatter onns ina retschertga online en l’entir pajais. Tgi ch’è regularmain per via cun il velo en il traffic da mintga di, ha la pussaivladad da giuditgar il clima entaifer il traffic. Da respunder èn var 30 dumondas che stattan en connex cun la vischnanca respectiva. Il resultat dat ina rangaziun da las citads da velo svizras en differentas categorias da grondezza. Ils megliers survegnan il Prix Velos Citads. Vischnancas pon dumandar ina evaluaziun specifica. Da la gronda retschertga davart las citads da velo 2021 pudais Vus far part qua. Ils resultats da la davosa retschertga chattais Vus qua en l’archiv.
 
 
 
 
  Image
 
Swissalpine sa numna uss Davos X-Trails
 
Swissalpine Davos – in dals maratons da muntogna ils pli gronds ed enconuschents da la Svizra – focussescha cun in nov num dal tuttafatg sin il futur dal trailrunning. «Davos X-Trails» stat simbolicamain d’ina vart per l’admissiun al trailrunning e da l’autra per ina experientscha da currer nova ed optimada. Tenor il motto «know your strengths» han ins mantegnì ils trajects tschertgads da l’event – oravant tut il Diamond Run (fin uss K68) sco percurs roial. Ina via dal tuttafatg nova va perencunter l’organisaziun da l’event. Il comitè d’organisaziun nov, indigen sa cumpona da forzas cumprovadas e versadas, sco er d’enconuschiders da la scena. Sin l’X-Trail, pront, Davos!
 
 
 
 
 
Uffizi da construcziun bassa, Servetsch per il traffic betg motorisà
Grabenstrasse 30, CH-7000 Chur  |  Tel. +41 (0)81 257 37 12
flv@tba.gr.ch  |  Pagina-web  |  Impressum
 
© 2021, Uffizi da construcziun bassa, Servetsch per il traffic betg motorisà. Tut ils dretgs resalvads.
 
 
Ein Shared Service von Graubünden Ferien