Uffizi da construcziun bassa, Servetsch per il traffic betg motorisà Favrer 2022
 
 
Image
 
  Image
 
Savair co far: A pe per via d’enviern
 
Viandar è uschè bel, perquai ch’igl è uschè simpel! Quai vala er per viandar d’enviern e per far gianelladas. Inqual particularitad ston ins però resguardar, sch’ins vul sa metter en viadi en la naiv loma. Quai cumenza cun planisar, cuntinua tar la vestgdira bain in pau pli chauda e na chala betg tar la signalisaziun speziala da las senda e rutas.

Als giasts en Grischun pon ins intermediar quai tschunsch cun meds digitals. In pitschen videoclip da l’Uniun svizra per sendas da viandar als fa enconuschent il spassegiar en la naiv ed ir cun gianellas en moda simpla. Tutorials da video detagliads per preparar ina tura cun gianellas ed en viadi èn gia vegnids producids da graubündenHike.
 
 
 
 
  Image
 
Nua è la vatga?
 
Vatgas mamma e chauns da protecziun da muntaneras sin u sper ina senda da viandar pon tgunsch chaschunar malsegirtad. Quant pratic fissi, sch’ins pudess controllar davent da chasa, sch’ins vegn a scuntrar ils animals sin la spassegiada planisada.u betg! Perquai han ins fatg in’emprova da pilot da dus onns davart quel tema, sco ina da las davosas mesiras parzialas dal program da promoziun da graubündenHike. Cun emetturs da GPS pudevan vegnir mussadas pastgiras occupadas da vatgas mamma u da chauns da protecziun en temp real sin ina charta online. A sportists or en il liber – cunzunt a quels ch’èn accumpagnads da lur chauns – facilitescha quai la planisaziun d’ina spassegiada senza incaps. Pasturs e purs pon ultra da quai clamar giu la posiziun da lur singuls animals. Tgi che s’interessa per las encognuschientschas da l’emprova da pilot las chatta en il rapport final.
 
 
 
 
  Image
 
Safe the date – dieta d’experts da traffic betg motorisà 2022
 
Las preparaziuns èn gia sin buna via e nus ans legrain da pudair far a savair che la proxima dieta da graubündenMobil, ils 4 d’october 2022, ha puspè lieu en l’auditori da la Banca Chantunala Grischuna BCG a Cuira. Reservai gia oz il termin per in’ulteriura dieta davart il tema traffic betg motorisà, i dat puspè referats ed inputs fitg interessants. Ulteriuras infurmaziuns davart l’andament ed il program seguan en las proximas newsletters.

 
 
  Telechargiar l’endataziun en il chalender  
 
 
 
 
 
  Image
 
GraubündenHike ha cuntanschì la finamira
 
La fin 2021 è il program da promoziun graubündenHike vegnì terminà definitivamain Dapi 2015 è il turissem da viandar en Grischun vegnì analisà, sustegnì e ponderà vinavant da graubündenHike. Bler han ins vesì d’ordaifer, sco la concurrenza da projects innovativs per sendas da viandar. Autras activitads èn restadas davostiers, sco il mussavia per repassar la rait da sendas da viandar u il cumpendi da noziuns per il marketing da viandar. Pliras occurrenzas han puspè stgaffì cumpetenza tar ils participants, sco las scolaziuns per il persunal en emprima lingia u ils curs da signalisaziun per responsabels da las sendas.

Per che graubündenHike laschia fastizs entaifer il turissem grischun, èn vegnidas resumadas experientschas, preschentads exempels gartegiads u pinads meds auxiliars per la lavur quotidiana. Las proximas emnas vegnan quels documents mess a disposiziun sin la website da noss post spezialisà. Fin alura als chatt’ins entaifer ils downloads dal blog da graubündenHike.
 
 
 
 
  Image
 
Co main’ins rampignaders segir tar la senda enferrada?
 
En Grischun stattan in grond dumber da sendas enferradas e rutas da raiver a disposiziun da rampignaders ambiziunads. Quellas na cumenzan dentant betg adina tar ina senda da viandar signalisada. Agiuntar ils access a la rait da sendas da viandar n’è betg pussaivel, perquai che las sendas enferradas na fan betg part da las sendas da viandar – quai fissan lura vairamain vias tschorvas. L’organisaziun naziunala da las Sendas da viandar svizras propona da segnar las sendas che mainan a sendas enferradas u rutas da raiver davent da là, nua ch’ellas sa spartan da la rait da sendas da viandar cun marcaziuns d’in verd glischent sin craps, plantas u pals. Ina directiva correspundenta è pronta da vegnir telechargiada.
 
 
 
 
  Image
 
Savair per nagut cun diploms e curs novs
 
La plattafurma d’instrucziun online per il traffic betg motorisà en Grischun vegn cumplettada vinavant l’onn 2022. A partir da subit datti in diplom per mintga curs absolvì.

Per facilitar a tut ils/las participantAs en Grischun l’access a l’Allegra Academy, datti nov in curs d’introducziun. Quel declera en trais lecziuns curtas, sco che l’Allegra Academy funcziuna. Tranter auter vegnan explitgadas la surfatscha da la website, la registraziun e la structura dals differents curs. Il curs è adattà stupent per tut quels che sa vulan infurmar davart l’Academy. Ed anc meglier: Il curs pudais Vus frequentar er senza esser registrà/registrada. Gugent pudais Vus er distribuir il curs sin Voss chanals. Qua vai directamain al curs.
 
 
 
 
  Image
 
graubündenTrailrun: temas centrals durant l’onn nov
 
Quest onn duai esser en il focus da la cultura e da la percepziun da trailrunning. La lavur da basa è vegnida fatga, blera savida ed experientscha è vegnida stgaffida. Quella savida e l’experientscha duai uss vegnir intermediada detagliadamain a furniturs da servetschs sur las destinaziuns. A medem temp duain vegnir fatgs chapaivels cun finamira e strategia la percepziun ed il maletg da trailrunning sco sport alpin adattà per ina maioritad. Concretamain vegnan organisads en las destinaziuns lavuratoris / maisas radundas regiunalas sco sustegniment, per purtar dapli cumpetenzas en il nivel dals furniturs da servetschs. Il segund punct central èn ils #trailtreffs, che vegnan cumplettads vinavant e duain vegnir duvrads communicativamain quest onn.
 
 
 
 
 
Uffizi da construcziun bassa, Servetsch per il traffic betg motorisà
Grabenstrasse 30, CH-7000 Chur  |  Tel. +41 (0)81 257 37 12
flv@tba.gr.ch  |  Pagina-web  |  Impressum
 
© 2022, Uffizi da construcziun bassa, Servetsch per il traffic betg motorisà. Tut ils dretgs resalvads.
 
 
Ein Shared Service von Graubünden Ferien