Tschertga directa

L'endataziun dal numer dal relasch u da la scursanida uffiziala As maina directamain al text da la lescha che Vus tschertgais.

Tschertga sur l'index

Ils links ch'èn avant maun en l'index As mainan als relaschs ch'èn attribuids als chavazzins da questa sistematica.

Tschertga integrala da text

• Questa tschertga cumpiglia tut la banca da datas u mo il titel che Vus avais tschernì.
• Cun la tschertga integrala da text pon er vegnir mussads resultats en relaschs che n'èn betg pli en vigur.
• La tschertga integrala da text po vegnir restrenschida tenor champs giuridics, tenor categorias sco er tenor linguas.

Sintaxa da tschertga

• La maschina da retschertga As inditga tut las parts ch'ella chatta e che cuntegnan las noziuns che Vus avais laschà tschertgar.
  Exempel: Sche Vus laschais tschertgar la noziun chau, vegnan mussads resultats sco "chauns", "chaussas", "chauda", "chauma" e.u.v.
• Sche Vus vulais tschertgar precis in tschert pled, al stuais Vus metter en virgulettas.
  Exempel: L'indicaziun "chaun" As mussa mo documents, en ils quals i sa chatta precis il pled "chaun".
• Sche Vus laschais tschertgar pliras noziuns, vegnan quellas colliadas automaticamain cun in "AND" (englais per "e").
  Exempel: Sche Vus endatais dent chau vegnan mussads tut ils relaschs che cuntegnan ils pleds tschertgads u che cuntegnan noziuns, en las qualas quests pleds èn avant maun, sco p.ex. dentist u chaussas.
• La tschertga d'ina successiun precisa da pleds u da noziuns (frasa) è pussaivla, mettend la frasa tschertgada en virgulettas.
  Exempel: Sche Vus laschais tschertgar "iniziativa en chaussas chantunalas", vegnan mussads tut ils relaschs che cuntegnan precis questa frasa.
• Plirs pleds pon er vegnir laschads tschertgar cun ina colliaziun "OR" (englais per "ubain"), mettend tranter las noziuns tschertgadas il segn |.
  Exempel: Sche Vus endatais chaun | animal, alura vegnan mussads tut ils relaschs che cuntegnan chaun ubain animal (u tuts dus).