Navigaziun principala

Cuntegn da la pagina

Aquisiziuns

Persuna da contact per las acquisiziuns publicas

 

Orlando Nigg, collavuratur giuridic tar il departament d'infrastructura, energia e mobilitad (+41 81 257 36 18) 

  • post d'infurmaziun per las acquisiziuns publicas: assistenza, cussegliaziun e coordinaziun da tut ils departaments, posts da servetsch ed instituziuns sco er da vischnancas e d'ulteriuras partidas interessadas en il sectur da las acquisiziuns publicas
  • occurrenzas d'infurmaziun en il sectur da las acquisiziuns publicas
  • scolaziun e furmaziun supplementara da las persunas ch'èn responsablas per las acquisiziuns publicas en il chantun
  • manar ina glista da purschiders bloccads
  • tgira da las statisticas davart surdadas en il chantun
  • post da consultaziun per annunziar cunvegnas da submissiun sco er per prender encunter infurmaziuns da corrupziun (annunzias per e-mail a meldung@diem.gr.ch). Las infurmaziuns inoltradas vegnan tractadas en moda confidenziala.

 


 

Program da statistica per annunziar surdadas d'incaricas

 

Tenor l'art. 34 da la lescha chantunala da submissiun (Lsub) ston vegnir communitgadas al departament d'infrastructura, energia e mobilitad dal Grischun (DIEM) tut las surdadas da passa 50 000 francs tras ils incumbensaders publics. A maun da las surdadas annunziadas fa il DIEM mintga onn ina statistica e transmetta quella als circuls interessads.

Per transmetter las surdadas ch'èn d'annunziar stat a disposiziun als incumbensaders publics sut https://www.vergabestatistik.ch/gr dapi il fanadur 2016 in program da statistica en l'internet.

Sch'in incumbensader na posseda betg anc l'autorisaziun d'access al program da statistica, po el dumandar sut vergabestatistik@diem.gr.ch in access per ils utilisaders internamain cumpetents (inditgond: l'adressa ed il e-mail da l'incumbensader sco er il num, il numer da telefon, il e-mail e la lingua dals utilisaders).

 


 

Tabellaras cumplementaras ed expertisa curta tar la dumonda Wilhelm concernent la pratica dal chantun per surdar incaricas

 

Suandant chattais Vus preschentaziuns tabellaras cumplementaras ed expertisa curta tar la resposta da la regenza dals 14 da schaner 2020 (prot. nr. 16) a la dumonda Wilhelm concernent la pratica dal chantun per surdar incaricas.

 

Preschentaziuns tabellaras da las respostas retschertgadas per las dumondas 1 - 4

Surdadas directas da l'administraziun chantunala 2014-2018 tenor la regulaziun excepziunala da l'art. 3 al. 1 Osub

Sanaziun dal convict Cuira - acquisiziun dals provisoris dal convict - expertisa curta da dr. Stefan Scherler dals 30 da schaner 2020 (resposta a la dumonda 5)

Conclus da la Regenza dals 4 da favrer 2020 (prot. nr. 56) concernent il resultat da l'expertisa curta da dr. Stefan Scherler