Cuntegn da la pagina

Program da statistica per annunziar surdadas d'incaricas

Tenor l'art. 34 da la lescha chantunala da submissiun (Lsub) ston vegnir communitgadas al departament d'infrastructura, energia e mobilitad dal Grischun (DIEM) tut las surdadas da passa 50 000 francs tras ils incumbensaders publics. A maun da las surdadas annunziadas fa il DIEM mintga onn ina statistica e transmetta quella als circuls interessads.

Per transmetter las surdadas ch'èn d'annunziar stat a disposiziun als incumbensaders publics sut https://www.vergabestatistik.ch/gr dapi il fanadur 2016 in program da statistica en l'internet.

Sch'in incumbensader na posseda anc betg l'autorisaziun d'access al program da statistica, po el dumandar sut vergabestatistik@diem.gr.ch in access per ils utilisaders internamain cumpetents (inditgond: l'adressa ed il e-mail da l'incumbensader sco er il num, il numer da telefon, il e-mail e la lingua dals utilisaders).