Navigaziun principala

Cuntegn da la pagina

Sistem da controlla da l'access

L'access a l'edifizi dal cussegl grond è mo pussaivel cun agid d'in uschenumnà badge. Sin quel è programmà la durada da l'utilisaziun reservada inclusiv 1 ura ordavant.

L'apparat per leger ils badges sa chatta via da la paraid a sanestra tar l'entrada principala. Tegnai il badge – cun la part alva vers engiu – sin l'apparat che al legia. La porta s'avra per 6 secundas.

La porta da l'entrada principala è programmada uschia ch'ella sa chatta in quart d'ura avant e suenter il termin reservà en il modus da l'avertura permanenta.

L'access a la stanza da sesida reservada vegn er realisà cun il medem badge. Tegnai il badge – cun la part alva vers engiu – sin l'apparat che al legia. La porta resta alura averta per il temp reservà. Cur che la sesida è terminada sto la porta vegnir serrada cun il badge. Al tegnai per quai puspè sin l'apparat che al legia. Durant l'occurrenza po la porta vegnir averta e serrada en la medema moda (p.ex. per ir a pausa).

Sche la pausa vegn fatga ordaifer l'edifizi, sto la porta da l'entrada principala puspè vegnir averta cun il badge (ev. render las participantas ed ils participants da la sesida attent a quai ).

A la fin da l'occurrenza As supplitgain nus da metter il badge en la chascha ch'è destinada per quai e che sa chatta a dretga da la porta da l'entrada principala. Badges che n'èn betg vegnids returnads u badges ch'èn ids a perder As vegnan mess a quint cun 20.– francs.