Zum Seiteninhalt

Edifizis cun distanza reducida, access, entradas, plazzas da parcar e.u.v.

La fabricaziun, la restructuraziun substanziala u il midament dal diever da construcziuns ed installaziuns lung las vias chantunalas e naziunalas dovran in permiss. L’Uffizi da construcziun bassa dal Grischun examinescha sch’in project da construcziun correspunda a las leschas chantunalas davart il traffic e las vias. Sche las distanzas prescrittas da la lescha na vegna betg respectadas u na pon betg vegnir resguardadas, vegn examinà sch’i dat la pussaivladad da dar ina permissiun extraordinaria.

La construcziun u la modificaziun dad access a la via chantunala dovran ina permissiun da l’Uffizi da construcziun bassa dal Grischun. Ina permissiun è era obligatorica sch’in access gia existent dess servir ad in traffic pli grond u d’auter gener.

Projects da construcziun per lung da vias chantunalas u naziunalas dovran in scleriment preliminar (art. 52 al. 2 OPTGR). Sche Vus avais l'intenziun da construir in edifizi u in stabiliment per lung d'ina via chantunala u naziunala u da suttametter in tal ad ina transfurmaziun substanziala u ad ina midada da l'intent, stuais Vus inoltrar a l'uffizi da construcziun bassa dal Grischun ina dumonda motivada cun ils documents da planisaziun necessaris per laschar far in scleriment preliminar. Empleni per quest intent per plaschair cumplettamain noss formular standardisà e l'inoltrai al district cumpetent. Suenter il scleriment preliminar e suenter la rectificaziun inoltrais Vus la dumonda, ensemen cun nossa posiziun e cun ils documents da la dumonda da construcziun, a la vischnanca da staziunament. Uschia èsi garantì che Vus survegnis tant pli svelt nossa posiziun u la permissiun giavischada.