Cuntegn da la pagina

Construcziun da la via dal Gelgia cun consideraziun da l’ambient

Pel mument datti sin il pass dal Gelgia dus gronds plazzals da fabrica tranter il lai da Marmorera e l’ospizi. Sin il traject Tges’Alva – Beiva sur il lai da Marmorera vegn fabritgà intensivamain durant trais onns. Las lavurs sur Beiva per il traject Mot – Sur Gonda vegnan a cuzzar tschintg onns. En connex cun las construcziuns sin territori alpin èsi ina fida speziala da considerar ils divers aspects da la protecziun da l’ambient.

La via dal Gelgia è la via la pli impurtanta per rivar en Engiadina. La via segua per gronda part anc il trassé dal 19avel tschientaner. Enturn Beiva èn las ultimas grondas lavurs da renovaziun vegnidas fatgas en ils onns 1930. La consideraziun da l’ambient ha ina gronda prioritad tar la realisaziun dals dus projects da construcziun actuals. La finamira è da respectar las prescripziuns giuridicas e da chattar soluziuns acceptablas tant per la populaziun sco per la natira.

Ulteriuras infurmaziuns en l'actual UCB-info.