Cuntegn da la pagina

Optimà in project e sia realisaziun grazia ad ina concurrenza

La via sur l’Alpsura tranter Mustér e Sedrun e vegnida renovada successivamain ils ultims onns. La part finala dal project è il traject da var 1 kilometer tranter Garmischeras e Tscheppa che sa chatta sin terren per part instabil.

Per la realisaziun da quest pretensius project da construcziun han ins fatg ina convocaziun cumplessiva en dus pass. Tar quest model da convocaziun han en l’emprima fasa tut ils teams dad inschigners e tut las interpresas pudì inoltrar propostas da project. Tschintg gruppas s’han participadas a la convocaziun. Tenor il cussegl d’ina giuria incaricada han ins selecziunà trais projects per in’elavuraziun approfundada e per in’offerta cun indicaziuns precisas davart ils custs. Quest segund pass da la convocaziun ha gudagnà il project MONOLITH cun custs totals da 15.5 milliuns francs. La regenza ha acceptà la decisiun da la giuria, uschia che las lavurs da fabrica han cumenzà en avrigl.

Ulteriuras infurmaziuns en l'actual UCB-info.