Zum Seiteninhalt

Il plan secturial chantunal Velo en consultaziun

L'impurtanza dal traffic da velo per il chantun Grischun crescha. I’Uffizi da construcziun bassa ha perquai elavurà per incumbensa da la regenza in plan secturial chantunal Velo. Quel divida la rait chantunala da vias da velo en ina rait dal traffic quotidian ed en ina rait dal traffic da temp liber che han mintgamai ina impurtanza differenta per il chantun. L'attribuziun da las colliaziuns è in factur essenzial per l'autezza da las contribuziuns chantunalas. Las basas da la planisaziun da las raits, ils criteris per fixar las contribuziuns chantunalas e las pretensiuns architectonicas vegnan er fixads en il plan secturial.

La consultaziun dura dals 5 d'avrigl fin ils 8 da zercladur 2018. Tut ils documents appartegnents pon vegnir consultads sin la pagina da la consultaziun tar il plan secturial chantunal Velo.