Zum Seiteninhalt

Attenziun, fairtrail, dai!

I dat viandantas e viandants, i dat ciclistas e ciclists ed ussa datti er fairtrail! Fairtrail è in'offensiva da scharm, tuttafatg senza mussar cun il det, percunter cun ina purziun autoironia ed umor grischun. Fairtrail fa reclama per dapli toleranza sin las sendas da viandar grischunas e sin ils trails. Fairtrail è ina campagna en il rom dal project grischunHIKE e grischunE-MTB che vegn realisada per incumbensa da l'uffizi da construcziun bassa dal Grischun.

Emprimas mesiras èn prontas: ina broschura d'infurmaziun, il codex, cartas postalas plainas umor e la pagina d'internet en chaussa tar Grischun vacanzas. Ultra da quai datti differents pitschens regals da reclama sco tatgaders, buttuns, crema da sulegl e scalins da velo da fairtrail che duain sensibilisar las viandantas ed ils viandants e las ciclistas ed ils ciclists da prender resguard in da l'auter. Per l'onn 2020 èn previsas ulteriuras mesiras. Nus essan pronts per ans metter en viadi sin il fairtrail. Vegni er Vus!

Gentil, net e pront, broschura d'infurmaziun davart la convivenza (en tudestg)
Mussavia per persunas che utiliseschan las sendas da viandar (en tudestg)
Carta postala "Sche jau vom cun il velo da muntogna …" (en tudestg)
Carta postala "Tut ha duas varts …" (en tudestg)
Carta postala "Viandantas e viandants, ciclistas e ciclists …" (en tudestg)
Carta postala "Jau na vi nagin stress …" (en tudestg)

Empustar ils products pudais Vus qua.

 
-